Monday 31 May 2010

ဘယ်သူပြောလဲ မြန်မာပြည်မှာ စားစရာမရှိဘူးလို့

စစ်တွေမှ လူငယ်တဦး မြောက်ဦး ဘုရားပွဲတွင် ရေနစ်သေဆုံး
5/31/2010
------------------
စံလင်း (နိရဉ္စရာ)
------------------
ရခိုင်ပြည်နယ် မြောက်ဦးမြို့ သျှစ်သောင်းဘုရားပွဲတော် အတွင်း ကျင်းပပြုလုပ်နေသော ပြိုင်လောင်းပွဲ (လှေပြိုင်ပွဲ) တွင် စစ်တွေမှ လူငယ်တဦး မေလ ၂၉ ရက်နေ့က ရေနစ် သေဆုံး သွားသည်ဟု သိရသည်။

သေဆုံးသူမှာ စစ်တွေမြို့ ကောလိပ်ကျောင်း နောက်လမ်းနေ အသက် ၂၄ နှစ် မောင်ထွန်းလှိုင် ဖြစ်သည်။

သေဆုံးသူ မောင်ထွန်းလှိုင်နှင့် သူငယ်ချင်းတစုမှာ အရက်သေစာ အလွန်အကျွံ သောက်စားပြီး လှေပြိုင်ပွဲ ပြုလုပ်နေစဉ် မြောက်ဦးချောင်းထဲ ရေဆင်းကူးရာမှ ရေနစ်သေဆုံးခြင်း ဖြစ်သည်။ သေဆုံးသူ မောင်ထွန်းလှိုင်၏ အလောင်းကို မြောက်ဦးမှ စစ်တွေသို့ ယူဆောင်လာပြီး စစ်တွေတွင် သဂြိုလ်ခဲ့သည်ဟု ဆွေမျိုး တဦးက ပြောသည်။

"အခု စစ်တွေမှာ ယောင်္ကျားလေးတွေ အရက်မသောက်တဲ့သူ တော်တော် ရှားပါတယ်။ အလုပ်အကိုင် မရှိဘူး။ ဘ၀ အဆင်မပြေတော့ ကွမ်းစားမယ်၊ အရက်သောက်မယ်။ အဲဒါ သူတို့အလုပ် "ဟု စစ်တွေမှ အမျိုးသမီး တဦးက ပြော သည်။

ရခိုင်ပြည်နယ်တွင် အရက်ကြောင်း မလိုလားအပ်သော ပြသာနာများ၊ ဆုံးရှုံမှုများ၊ ဝမ်းနည်း ဖွယ်ရာ အဖြစ်ဆိုးများ နေ့စဉ်နှင့် အမျှ ကြုံတွေ့နေကြရကြောင်း သူမက ဆက်ပြောသည်။

မြောက်ဦးမြို့ ရှစ်သောင်း အပါအ၀င် ဘုရားပွဲတော်ကို မေလ၂၇ ရက်နေ့က စတင် ကျင်းပပြုလုပ်နေပြီး မေလ ၃၁ ရက်နေ့တွင် ပြီးဆုံးမည် ဖြစ်သည်။

စီးပွားရေး အဆင်မပြေမူ အပါအ၀င် အစစ်အဆေးများပြီး မိုးပါ ရွာနေသဖြင့် ဘုရားပွဲတော်မှာ ယခင်နှစ်များကကဲ့သို့ စည်ကားခြင်း မရှိကြောင်း သိရသည်။
Copy from www.narinjara.com

Saturday 22 May 2010

ခေတ်ပျက်နေတော့လည်း မြန်မာနိုင်ငံသားဘ၀ကို စွန့်လိုက်ကြမှာပါ

မြန်မာအမျိုးသမီးများ နိုင်ငံခြားသားနှင့် လက်မထပ်ရ
သဲသဲ Saturday, May 22, 2010

မြန်မာအမျိုးသမီးများကို နိုင်ငံခြားသားနှင့် လက်ထပ်ထိမ်းမြားခွင့် မပေးရန် တရားရေး ဝန်ထမ်းများအား အာဏာပိုင်များက ညွှန်ကြား ထားသောကြောင့် မြန်မာ အမျိုးသမီးတချို့မှာ နိုင်ငံခြားသားများ၏ အငယ်အနှောင်း၊ တရားမ၀င်ဘ၀ဖြင့် အသိအမှတ် အပြု မခံရသည့် အခြေအနေများ ဖြစ်လာနေကြောင်း သိရသည်။

“တဖက်က လူကုန်ကူးတဲ့ ပုံစံမျိုးတွေနဲ့ အရှုပ်အရှင်းတွေဖြစ်လာမှာကို တားဆီးကြောက်ကန်ကန်ပြီး လုပ်ပေမယ့်လည်း တကယ် နှစ်သက်လို့ မှန်မှန်ကန်ကန်နဲ့ တရားဝင် လက်ထပ်ပေါင်းသင်းမှာကို ဆောင်ရွက်မပေးဘူးဆိုရင် သူတို့ရဲ့ အခွင့်အရေးကို တားဆီး ကန့်သတ် ပိတ်ပင်ရာကျပါမယ်”ဟု ဥပဒေ အတိုင်ပင်ခံ တဦးဖြစ်သူ ဦးအောင်သိန်းက ဧရာဝတီကို ပြောသည်။

အဆိုပါ ကိစ္စရပ်မှာ တရားမျှတမှု မရှိကြောင်းလည်း ၎င်းက သုံးသပ်သည်။

ယခင်က နိုင်ငံခြားသားများနှင့် မြန်မာအမျိုးသမီးများ လက်ထပ်မည်ဆိုလျှင် ပထမဦးစွာ တိုင်းတရားရုံးသို့သွားရောက်၍ မှတ်ပုံတင် ရပြီး ၂၁ ရက် ကြိုတင် အသိပေးကာ ၎င်း ၂၁ ရက်အတွင်း ကန့်ကွက်သူ မရှိလျှင် တရားရုံးက လက်ထပ်ပေးသည့် ဥပဒေ ရှိခဲ့ ကြောင်း ဦးအောင်သိန်းက ဆိုသည်။

“အဲဒီ ဥပဒေကိုတော့ အခုထက်ထိ မပယ်ဖျက်သေးဘူး၊ ဥပဒေအရ တားမြစ်ထားတာလည်း မရှိသေးဘူး၊ ဒါပေမယ့် ညွှန်ကြားချက် နဲ့ ရပ်ဆိုင်းထားတယ်၊ တားထားတယ်ဆိုပြီး လက်ထပ်ခွင့်မပေးဘူး”ဟု သူကပြောသည်။

ယင်းကဲ့သို့ ညွှန်ကြားချက်ဖြင့် ရပ်ဆိုင်းထားသည်မှာ လွန်ခဲ့သော ၅ နှစ်ဝန်းကျင် ကာလများက စတင်ခဲ့သည်ဟုလည်း သူကဆို သည်။

လွန်ခဲ့သော ၅ နှစ်ဝန်းကျင်က မြန်မာအမျိုးသမီးငယ် တဦးအား မိဘများက နိုင်ငံခြားသားတဦးဖြင့် အတင်းအကျပ် လက်ထပ်ပေး ခဲ့သည့်အတွက် အဆိုပါ အမျိုးသမီးငယ်မှာ ၎င်း၏ ချစ်သူဖြင့် ထွက်ပြေး၍ မိမိကိုယ်ကိုယ် အဆုံးစီရင်ခဲ့သဖြင့် ယင်း ညွှန်ကြားချက် ကို ထုတ်ပြန်ခဲ့ခြင်းဖြစ်သည်ဟု ရှေ့နေတဦးဖြစ်သူ ဦးကျော်ဟိုးက ပြောပြသည်။

“အဲဒီတုန်းက ဥပဒေ အရာရှိတယောက်က လက်ထပ်ပေးလိုက်တာ၊ အဲဒီကတည်းက နိုတြီလုပ်တဲ့ ရှေ့နေကအစ၊ ဥပဒေ အရာရှိ အကုန်လုံး နိုင်ငံခြားသားနဲ့ လက်ထပ်တဲ့ကိစ္စကို လုံးဝ လုပ်မပေးရဘူးဆိုပြီး စာထုတ်ထားခဲ့တာ”ဟု သူက ဆက်ပြောသည်။

မြန်မာ အမျိုးသမီး၊ အမျိုးသားအချင်းချင်း လက်ထပ်ပေါင်းသင်းကြလျှင် အကောင်းဆုံးဖြစ်သော်လည်း အခြေအနေ အကြောင်း ကြောင်း ကြောင့် နိုင်ငံခြားသားနှင့် လက်ထပ်မည်ဆိုပါက ကာယကံရှင်များ၏ ဆုံးဖြတ်ချက် အခွင့်အရေးသာ ဖြစ်သင့်ကြောင်း၊ မတားကောင်းသည့် အရာဖြစ်ကြောင်း မန္တလေးမြို့တွင် နေထိုင်သည့် စာရေးဆရာ တဦးက သုံးသပ်သည်။

“လူကုန်ကူးတာမဟုတ်ဘူး ၊ မရိုးမသား မဟုတ်ဘဲ ရိုးရိုးသားသားနဲ့ သားမှတ်မှတ် မယားမှတ်မှတ်ပေါင်းမယ်၊ နောက်ပြီး ကာယကံ ရှင် များကလည်း သဘောတူ ကြည်ဖြူကြပြီး တကယ်မြတ်မြတ်နိုးနိုးနဲ့ ပေါင်းဖက်ကြတာဆိုရင် ကန့်ကွက်ဖို့မရှိပါဘူး”ဟု အဆိုပါ စာရေးဆရာက ဆိုသည်။

ထို့အပြင် နိုင်ငံခြားသားနှင့် လက်ထပ်သည် ဆိုရာတွင်လည်း အနောက်နိုင်ငံသား၊ တရုတ်၊ အိန္ဒိယ စသဖြင့် လူမျိုး ကွဲပြားကာ လူမျိုး တမျိုးနှင့် တမျိုး မြန်မာအမျိုးသမီးများအပေါ် ထားသည့် သဘောထားချင်း မတူညီနိုင်သောကြောင့် မည်သည့် လူမျိုးအား ရည်ရွယ်၍ ထုတ်ပြန်ထားသော ဥပဒေ ဖြစ်ကြောင်း စဉ်းစားစရာဖြစ်နေသည်ဟု မန္တလေးမြို့ခံ စာရေးဆရာက ပြောသည်။

တချို့မှာ ဗမာ့ဓလေ့ထုံးစံတွင် တရားရုံးလက်ထပ်မှ တရားဝင်သည် မဆိုနိုင်သောကြောင့် ထုံးတမ်း အစဉ်အလာများအတိုင်း ဘုန်ကြီး ရဟန်းရှေ့မှောက်တွင် ဆွမ်းဖ်ိတ်ကျွေး တရားနာယူကာ အသိအမှတ်သဘောဖြင့် လက်ထပ်ထိမ်းမြားသွားသည် များ လည်းရှိကြောင်း ရှေ့နေ ဦးအောင်သိန်းကဆိုသည်။

နိုင်ငံရပ်ခြားတွင် မွေးဖွားကြီးပြင်းရသည့် မြန်မာအမျိုးသမီးများ အနေဖြင့်လည်း အကောင်းဆုံး အိမ်ထောင်ဖက်ကို လွတ်လပ်စွာ ရွေးချယ်ပိုင်ခွင့်ရှိကြောင်း ရန်ကုန်အခြေစိုက် မြန်မာ့အမျိုးသမီး စွမ်းဆောင်ရှင်များ အသင်းမှ တာဝန်ရှိသူ အမျိုးသမီး တဦးက ပြောဆိုသည်။

“ဘယ်လူမျိုးရယ်လို့မဟုတ်ဘူး၊ ကိုယ့်အပေါ်မှာ ဘယ်လို လူစားမျိုးလဲ၊ ကိုယ့်ကို အသုံးချနေတာလား ဆိုတာကို မိန်းကလေး တယောက်အနေနဲ့ ရွေးချယ်နိုင်မယ်၊ သူ့ရဲ့ဘ၀ပေး ကုသိုလ်လည်းကောင်းမယ်ဆိုရင် သူ့အတွက်ကတော့ ဘယ်သူပဲဖြစ်ဖြစ် လက်ထပ်ယူနိုင်ပါတယ်”ဟု ၎င်းကပြောသည်။

ဗြိတိန်နိုင်ငံသားတဦးနှင့် လက်ထပ်လိုက်သည်မှာ အိမ်ထောင်သက် ၁၁ နှစ်ရှိပြီဖြစ်သော ထိုင်းနိုင်ငံရောက် မြန်မာအမျိုးသမီး တဦး ကလည်း“ကျမလည်း ဒီလို နိုင်ငံခြားသားနဲ့ လက်ထပ်ဖြစ်မယ်လို့ ဘယ်တုန်းကမှ မစဉ်းစားခဲ့ဖူးပါဘူး၊ ဒါပေမယ့် သူရဲ့ဖူးစာ၊ ကံတရားနဲ့လည်း ဆိုင်ပါတယ်၊ ဘယ်လိုလူမျိုး၊ ဘယ်လိုဘာသာမျိုးမှ မဟုတ်ပါဘူး၊ ကိုယ့်အပေါ်မှာ နားလည်မှုရှိရှိနဲ့ သစ္စာရှိဖို့ အရေးကြီး ပါတယ်၊ ကိုယ့်လူမျိုးချင်း၊ ကိုယ့်ဘာသာချင်းယူပြီး အဆင်မပြေကြတာတွေလည်း အများကြီးပါပဲ”ဟု ဆိုသည်။

ထိုကဲ့သို့ ဥပဒေနှင့်အညီ လက်ထပ်ခွင့်ရရန် ကြိုးပမ်းကြရသည့် မြန်မာအမျိုးသမီးများအနေဖြင့် အခက်အခဲအများအပြားနှင့် ရင်ဆိုင် ဖြေရှင်းကြရကြောင်း၊ ထိုသို့ နိုင်ငံခြားသားများနှင့် လက်ထပ်ပြီး အိမ်ထောင်ရေး အဆင်မပြေသူများလည်း ရှိသကဲ့သို့ အမှန်တကယ် ချစ်မြတ်နိုး၍ သစ္စာရှိရှိပေါင်းသင်းကြသူများလည်း ရှိကာ မိမိ၏ ကံတရားနှင့်လည်း သက်ဆိုင်ကြောင်း ၎င်း၏ အတွေ့ အကြုံအရ ပြောပြသည်။

မြန်မာနိုင်ငံသို့ ၀င်ရောက်လာကြသည့် နိုင်ငံခြားသားများအနက် တချို့သောနိုင်ငံခြားသားများသည် မြန်မာနိုင်ငံရှိ လူပွဲစားများနှင့် ဆက်သွယ်၍ မြန်မာအမျိုးသမီးများကို နည်းလမ်း အမျိုးမျိုးဖြင့် ဖြားယောင်း သွေးဆောင် နေကြကြောင်း ၂၀၁၀ ပြည့်နှစ် မေလ ၁၁ ရက်နေ့ထုတ် Flower News ဂျာနယ်တွင် ရေးသားထားသည်။
Copy from www.irrawaddy.org

The Spirit of 1988 Revolution of Burma

Aung Way - The Spirit of 1988 Revolution of Burma

Saturday 15 May 2010

အိုဘားမား၏ မြန်မာစစ်အစိုးရအပေါ် စီးပွါးရေးဒဏ်ခတ်မှုအား ထောက်ခံကြိုဆို

BCUK2

သမ္မတအိုဘားမား စစ်အစိုးရအပေါ်ဒဏ်ခတ်မှု သက်တမ်းတိုး

By ဒေါ်ခင်စိုးဝင်း သောကြာ, 14 မေ 2010

မြန်မာစစ်အစိုးရအပေါ် စီးပွားရေးဒဏ်ခတ်ထားတာကို နောက်ထပ် တနှစ်သက်တမ်းတိုးဖို့ သမ္မတအိုဘားမား (Barack Obama) လက်မှတ် ရေးထိုးလိုက်တဲ့အကြောင်း မေလ ၁၄ရက်နေ့စွဲနဲ့ အိမ်ဖြူတော်က ကြေညာချက် ထုတ်ပြန်လိုက်ပါတယ်။

မြန်မာစစ်အစိုးရရဲ့လုပ်ရပ်တွေ၊ မူဝါဒတွေဟာ အမေရိကန်ပြည်ထောင်စုရဲ့ နိုင်ငံခြားရေးမူဝါဒနဲ့ အမျိုးသားလုံခြုံရေးကို ဖြစ်ရိုးဖြစ်စဉ်မဟုတ်ဘဲ ထူးထူးကဲကဲ ဆက်လက်အန္တရာယ်ပြု ခြိမ်းခြောက်နေတာကြောင့် ၁၉၉၇ ခုနှစ် မေလ ၂၀ရက်နေ့ က အမေရိကန်ပြည်ထောင်စု အမျိုးသားအရေးပေါ်ကြေညာချက် ထုတ်ပြန်ခဲ့ပါတယ်။ အဲဒီကြေညာချက်ကို ၂၀၀၃ ခုနှစ် ဇူလိုင်လ ၂၈ ရက်နေ့က သမ္မတရဲ့ အုပ်ချုပ်မှုအာဏာအရ အမိန့်ပြန်တမ်းအမှတ် ၁၃၃၁၀၊ ၂၀၀၇ ခုနှစ် အောက်တိုဘာ လ ၁၈ ရက်နေ့က အမိန့်ပြန်တမ်းအမှတ် ၁၃၄၄၈၊ ၂၀၀၈ ခုနှစ် ဧပြီလ ၃၀ ရက်နေ့က အမိန့်ပြန်တမ်းအမှတ် ၁၃၄၆၄ တို့နဲ့ အသီးသီးထုတ်ပြန်ခဲ့ပြီးဖြစ်ပါတယ်။ ဒီနှစ် ၂၀၁၀ ပြည့်နှစ် မေလ ၂၀ ရက်နေ့ကစပြီး ဆက်လက်အကျိုးသက် ရောက်မှုရှိအောင် နောက်ထပ် တနှစ်သက်တမ်းတိုးဖို့ သမ္မတအိုဘားမား ကိုယ်တိုင် ၂၀၁၀ပြည့်နှစ် မေလ ၁၃ ရက်နေ့ နေ့စွဲနဲ့ လက်မှတ်ထိုးလိုက်တဲ့အကြောင်း အိမ်ဖြူတော်က သောကြာနေ့ကကြေညာချက်ထုတ်ပြန်လိုက်ပါတယ်။

မြန်မာစစ်အစိုးရက ဒီမိုကရေစီရေး အတိုက်အခံတွေကို အကြီးအကျယ်ဖိနှိပ်၊ နှိပ်ကွပ်နေတာကြောင့် ၁၉၉၆ ခုနှစ် စက်တင်ဘာ ၃၀ ရက်နေ့နောက်ပိုင်း အမေရိကန်ပြည်ထောင်စုက ရင်းနှီးမြုပ်နှံမှု အသစ်တွေမလုပ်ဖို့ တားမြစ် ပိတ်ပင်တဲ့ ဥပဒေကို ကွန်ဂရက်လွှတ်တော်က အတည်ပြုခဲ့ပြီး ၁၉၉၇ ခုနှစ် မေလ ၂၀ ရက်နေ့ က သမ္မတအမိန့်ပြန်တမ်းနဲ့ ပြဌာန်းခဲ့ ပါတယ်။ အမေရိကန်သမ္မတရဲ့ နိုင်ငံတကာ စီးပွားရေးရာ အရေးပေါ် လုပ်ပိုင်ခွင့် အာဏာအရ မြန်မာစစ်အစိုးရရဲ့ လုပ်ရပ်တွေနဲ့ မူဝါဒတွေဟာ အမေရိကန်ပြည်ထောင်စုရဲ့ အမျိုးသားလုံခြုံရေးနဲ့ နိုင်ငံခြားရေးမူဝါဒအပေါ် အန္တရာယ်ပြု ခြိမ်းခြောက်နေတာကြောင့် ဒီအမိန့်ထုတ်ပြန်လိုက်တာဖြစ်ပါတယ်။
Copy from www.voanews.com

Friday 14 May 2010

ဒေါ်အောင်ဆန်းစုကြည်၏ ယနေ့မှာကြားချက်

ပါတီသစ် ဖွဲ့သူများကို ဒေါ်အောင်ဆန်းစုကြည် ဝေဖန်
ဧရာဝတီ Friday, May 14, 2010

အမျိုးသား ဒီမိုကရေစီ အဖွဲ့ချုပ် (NLD) အဖွဲ့ဝင်ဟောင်း တချို့ ပါတီသစ် ခွဲထောင်ခြင်းသည် ဒီမိုကရေစီ နည်းကျ လုပ်ထုံး လုပ်နည်းကို ဆန့်ကျင်ခြင်း ဖြစ်သည်ဟု ဒေါ်အောင်ဆန်းစုကြည်က ဝေဖန် ကြောင်း သိရသည်။

ယနေ့ မွန်းလွဲပိုင်းက ရှေ့နေ ဦးဉာဏ်ဝင်းနှင့် နှစ်နာရီကြာ တွေ့ဆုံရာတွင် ဒေါ်အောင်ဆန်း စုကြည်က ထိုသို့ ပြောဆို လိုက်ခြင်း ဖြစ်သည်။

“ဒေါ်စုက NLD အနေနဲ့ အများသဘောတူ ဆုံးဖြတ်တဲ့ ဆုံးဖြတ်ချက်ကို သဘောမတူတဲ့ အနည်းက ကိုယ့်ဆုံးဖြတ်ချက်နဲ့ကိုယ် လုပ်တာက ဒီမိုကရေစီ ကျင့်စဉ်နဲ့ မကိုက်ညီဘူးလို့ ပြောပါတယ်”ဟု ဦးဉာဏ်ဝင်းက ဧရာဝတီသို့ ပြောသည်။

ပါတီ ဆက်လက် မှတ်ပုံမတင်ဘဲ ရွေးကောက်ပွဲကို သပိတ်မှောက်သည့် အစီအစဉ်ကို သဘောမတူသည့် NLD ခေါင်းဆောင် တချို့က အမျိုးသား ဒီမိုကရေစီ အင်အားစု(NDF)အမည်ဖြင့် NLD ၏ နောက်ဆုံးနေ့ဖြစ်သည့် မေလ ၆ ရက်နေ့မှာပင် ပါတီ သစ်တခု ဖွဲ့စည်းခဲ့ကြသည်။

NDF ကို ဒေါက်တာသန်းငြိမ်းက ဦးဆောင်ဖွယ်ရှိပြီး ယခုလလယ်ပိုင်းတွင် ရွေးကောက်ပွဲကော်မရှင်ထံ ပါတီ မှတ်ပုံတင်မည်ဟု ခန့်မှန်းရသည်။ NDF တွင် ဒေါက်တာဝင်းနိုင်၊ ဦးသိန်းညွန့်၊ ဦးစိန်လှဦးနှင့် တခြား အဖွဲ့ဝင်ဟောင်းများ ပါဝင်သည်။

စစ်အစိုးရ၏ ရွေးကောက်ပွဲ ဥပဒေ အရ ပျက်ပြယ်သွားပြီးဖြစ်သော NLD ပါတီ၏ လုပ်ငန်းစဉ်နှင့် ပတ်သက်၍လည်း ဒေါ်အောင်ဆန်းစုကြည်က ပြောကြားကြောင်း သိရသည်။

“လောလောဆယ်မှာ ဗဟို အဖွဲ့ချုပ်ရုံးမှာ နိုင်ငံခြားသား ဧည့်သည်တွေ လက်ခံတွေ့ဆုံတာမျိုး၊ နိုင်ငံရေး အစည်းအဝေး လုပ်တာမျိုးတွေ မလုပ်ပါနဲ့လို့ ဒေါ်စုက မှာလိုက်ပါတယ်”ဟု ဦးဉာဏ်ဝင်းက ပြောသည်။

ပြီးခဲ့သည့် မေလ ၁၀ ရက်နေ့က အမေရိကန် နိုင်ငံခြားရေး ၀န်ကြီးဌာန အရှေ့အာရှနှင့် ပစိဖိတ်ရေးရာ ဒုတိယ နိုင်ငံခြားရေး ဝန်ကြီး မစ္စတာ ကာ့တ် ကမ်းဘဲလ် နှင့် ဒေါ်အောင်ဆန်းစုကြည်တို့ တွေ့ဆုံခဲ့သည်။
Copy from www.irrawaddy.org

Thursday 13 May 2010

တစ်မျိုးနှင့်တစ်မျိုး မရိုးရအောင်

နိုင်ငံခြားသား နှင့် မြန်မာ အမျိုးသမီး တို့အား လက်ထပ် ပေးခြင်း မပြုရန် တရားရေး ၀န်ထမ်း နှင့် ဥပဒေ ၀န်ထမ်း များကို ညွှန်ကြားထား

နိုင်ငံခြားသား နှင့် မြန်မာ အမျိုးသမီးများ အား ထိမ်းမြား လက်ထပ် ပေးခြင်း ကိစ္စကို လက်ခံ ဆောင်ရွက်ခြင်း မပြုရန် တရားရေး ၀န်ထမ်း များနှင့် ဥပဒေ ၀န်ထမ်း များကို သက်ဆိုင်ရာမှ ညွှန်ကြား ထားကြောင်း တရားရုံးချုပ် ရှေ့နေ တစ်ဦးက ပြောသည်။ ယင်း ညွှန်ကြားချက်ကို ယခင် ကတည်းက ထုတ်ပြန် ထားသော်လည်း ယခုအခါ ယင်းကဲ့သို့ ကိစ္စများ မပြုလုပ်ရန် တရားရေး ၀န်ထမ်း နှင့် ဥပဒေ ၀န်ထမ်း များအား တင်းတင်း ကျပ်ကျပ် ထပ်မံ ညွှန်ကြား ထားကြောင်း သိရသည်။ “ကျွန်တော်တို့လို ဥပဒေ ၀န်ထမ်းတွေ အပြင် ကျေးရွာ ရပ်ကွက် အေးချမ်း သာယာရေး နှင့် ဖွံ့ဖြိုးရေး ကောင်စီဝင် တွေကိုလဲ သက်ဆိုင်ရာက ထပ်မံ ညွှန်ကြား ထားတယ်လို့ သိရတယ်။ မြန်မာ နိုင်ငံ အတွင်းမှာ တရားဝင် လည်ပတ် အလုပ် လုပ်ကြတဲ့ နိုင်ငံခြားသားတွေ အနေနဲ့ မြန်မာနိုင်ငံရဲ့ တည်ဆဲ ဥပဒေ၊ ပြဋ္ဌာန်းချက် ညွှန်ကြားချက် တွေနဲ့ အညီ နေထိုင်ခြင်း မရှိရင် ၁၉၄၇ခုနှစ် လူဝင်မှု ကြီးကြပ်ရေး (အရေးပေါ် ပြဋ္ဌာန်း ချက်များ) အက်ဥပဒေ အရ ပြည်နှင်ဒဏ် ပေးနိုင် ပါတယ်” ဟု တရားရုံးချုပ် ရှေ့နေ့ ထပ်မံ ပြောသည်။ နည်းလမ်း အမျိုးမျိုးဖြင့် သွေးဆောင်ကာ နိုင်ငံခြားသားများ နှင့် လက်ထပ်ပေးရန် ဆောင်ရွက်နေသော အမျိုးသား စိတ်ဓာတ် ကင်းမဲ့သည့် လူပွဲစားများ ကိုလည်း ဖော်ထုတ်ကာ အရေးယူ ပြစ်ဒဏ် ချမှတ်မည် ဖြစ်ကြောင်း သိရသည်။ မြန်မာ နိုင်ငံသို့ ပြည်ပ နိုင်ငံအ သီးသီးမှ ၀င်ရောက်လာ ကြသည့် နိုင်ငံခြားသားများ အနက် အချို့သော နိုင်ငံခြားသား များသည် မြန်မာ နိုင်ငံရှိ လူပွဲစား များနှင့် ဆက်သွယ်၍ မြန်မာ အမျိုးသမီး များကို နည်းလမ်း အမျိုးမျိုးဖြင့် ဖြားယောင်း သွေးဆောင် နေကြကြောင်း Flower News ဂျာနယ်တွင် ဖော်ပြ ထားသည်။
၁၃ . ၅ . ၂၀၁၀
Copy from www.hanthawaddy.org

Tuesday 11 May 2010

ရယက ဥက္ကဋ္ဌအိမ် ဓားပြတိုက်ခံရ

ငြိမ်းချမ်း အင်္ဂါနေ့၊ မေလ ၁၁ ရက် ၂၀၁၀ ခုနှစ် ၁၉ နာရီ ၂၉ မိနစ် .

ဒါကာ (မဇ္ဈ်ိမ)။ ။ ရခိုင်ပြည်နယ် မောင်တောမြို့နယ်၊ သရက်အုပ်ကျေးရွာ ဥက္ကဋ္ဌ ဦးထွန်းအေးမောင်၏ နေအိမ်ကို ယခုလ ၈ ရက်နေ့က ဓားပြတိုက်မှု ဖြစ်ပွားရာ ရွှေ ၁ဝ ကျပ်သားနှင့် ငွေကျပ် ၄ဝ သိန်း လုယက်သွားသည်ဟု ကာယကံရှင်များက ပြောသည်။

ည ၁ဝ နာရီခန့်တွင် နယ်စပ်ဒေသ စစ်ဆေးရေးနှင့် ကွပ်ကဲရေးဌာန (နစက) တပ်ဖွဲ့ဝင်အဖြစ် ဟန်ဆောင်ထားသော ဓားပြ ၂ဝ ဦးခန့်က ဧည့်စာရင်းစစ်ရန်အတွက်ဟုဆိုကာ ကျေးရွာဥက္ကဋ္ဌ နေအိမ်အတွင်း ဝင်ရောက်လာပြီး ဓားပြတိုက်ယူသွားသည်ဟု ဆိုသည်။

အခင်းဖြစ်ပွားချိန်တွင် ဦးထွန်းအေးနှင့် ဇနီး၊ သားတဦးနှင့် သမီးတဦး နေအိမ်တွင် ရှိနေပြီး ဓားပြများက သေနတ်များ ပါရှိသည်ဟု ဆိုသည်။

”ဓားပြတွေက ကျနော့်မိန်းမကို ရိုက်ပြီးတော့ ပစ္စည်းထားတဲ့နေရာကို ပြခိုင်းတယ်။ အရိုက်ခံရတဲ့အခါ ငွေနဲ့ ရွှေတွေ သိမ်းထားတဲ့ နေရာကို ပြလိုက်တယ်။ ပတ်ဝန်းကျင်က အိမ်တွေကလည်း ဓားပြတိုက်တာကို ကြားပေမယ့် ထွက်မလိုက်ရဲကြဘူး” ဟု ဦးထွန်းအေးမောင်က မဇ္ဈိမကို တယ်လီဖုံးမှတဆင့် ဖြေကြားသည်။

နစက ကွပ်ကဲရေးဌာနချုပ်သို့ သွားရောက်တိုင်ကြားသော်လည်း တရားခံကို သဲလွန်စမရသေးဘဲရှိသည်ဟု သိရသည်။

ဘင်္ဂလားဒေ့ခ်ျနှင့် ကပ်လျက်ရှိသော နယ်စပ်မြို့များဖြစ်သည့် ရခိုင်ပြည်နယ်အတွင်း မောင်တော၊ ဘူးသီးတောင်နှင့် ရသေ့တောင်မြို့များအတွင်း နစက ဟန်ဆောင်၍ ဓားပြတိုက်မှုများ မကြာခဏ ဖြစ်ပွားနေသည်။

ပြီးခဲ့သည့် ဧပြီလအတွင်း မောင်တောမြို့နယ်တခုထဲတွင်ပင် ဓားပြမှု ၆ ကြိမ် ဖြစ်ပွားခဲ့ပြီး နောက်ဆုံးအကြိမ်မှာ ဧပြီလ ၂၆ ရက်နေ့ကဖြစ်သည်။ နစက ဟန်ဆောင်ထားသော လူ ၂ဝ ဦးက ပြားသားရွာမှ အိမ်တလုံးကို ဝင်တိုက်သွားရာ ကျပ်ငွေ ၁၅ သိန်းခန့် ပါသွားသည်ဟု ကာယကံရှင်များနှင့် နီးစပ်သူများက ပြောသည်။

နစက တပ်ကြပ်ကြီးတဦးကတော့ ဓားပြများမှာ ဘင်္ဂလားဒေ့ခ်ျပိုင်နက်မှ ဝင်ရောက်လာခြင်းဖြစ်ပြီး နယ်စပ်ကို အလွယ်တကူ ဖြတ်သွားနိုင်မှုကြောင့် ဖမ်းဆီးရန် ခက်ခဲသည်ဟု ပြောသည်။

“စခန်းထွက်လိုက်ပြန်ရင်လည်း စက်လှေနဲ့ နတ်မြစ်ကို ဖြတ်ကူးပြေးသွားကြတယ်။ ဒီကိစ္စကို သေသေချာချာ စောင့်ကြည့်လေ့လာမယ့် အစီအစဉ်တရပ် ဖော်ဆောင်ဖို့ ဌာနချုပ်ကို တင်ပြထားပါတယ်” ဟု နစက နယ်မြေ ၅ မှ တပ်ကြပ်ကြီး တဦးက ပြောသည်။
Copy from www.mizzimaburmese.com

စစ်အစိုးရဒေါက်တိုင်တွေကို ..... စတင် သတ်ဖြတ်၊ သုတ်သင်နေပြီ

မြန်မာနိုင်ငံ အနောက်ဘက် နယ်စပ်တွင် အကြမ်းဖက် လူသတ် အုပ်စု တစု ပေါ်ပေါက်နေ
5/10/2010

မြန်မာနိုင်ငံ အနောက်ဘက် နယ်စပ်တွင် အစိုးရနှင့် ဆက်စပ်သူ သတင်းပေးများကို သတ်ဖြတ်သည့် လူသတ် အဖွဲ့အစည်း တခု ပေါ်ပေါက်နေကြောင်း သတင်း ရရှိသည်။

အဆိုပါ အုပ်စုကို ယခင် ထောက်လှမ်းရေး တပည့် အဖြစ် လုပ်ကိုင်ခဲ့သူ အဒူလာကိန်းဆိုသူက ဦးဆောင်နေကြောင်း ဒေသ အတွင်းက လာသော သတင်များအရ သိရသည်။

အဆိုပါ အုပ်စုသည် လွန်ခဲ့သော အပတ်က မောင်တောမြို့နယ် တောင်ပိုင်း သ၀င်ချောင်း ကျေးရွာမှာ စရဖ ထောက်လှမ်းရေး သတင်းပေး တဦးကို ဓါးဖြင့် အချက်ပေါင်းများစွာ ထိုးသတ်ခဲ့သည်။

အသတ်ခံရသူမှာ မောင်တောဆေးရုံတွင် ဓါးဒဏ်ရာဖြင့် သေဆုံးသွားခဲ့သည်။

အဆိုပါ စရဖ သတင်းပေး အသတ်ခံရပြီးနောက်ပိုင်း အဆိုပါ လူသတ် အကြမ်းဖက်အဖွဲ့ကို စစ်တပ် တပ်ရင်း ၃ ခုမှ စစ်ဆင်ရေး တရပ် ပြုလုပ်ပြီး အပြင်းအထန် တောနှင်းရှာဖွေခဲ့သည်။

ဒေသခံ တဦးက နိရဉ္စရာသို့ ယခုကဲ့သို့ ပြောသည်။

“ တပ်ရင်း သုံးရင်းပေါ့နော်။ ဘူးသီးတောင် အခြေစိုက် ၂၃၄ တပ်ရင်းနဲ့ ရသေ့တောင် အခြေစိုက် ၅၃၆ တပ်ရင်းရယ်။ နောက်တပ်ရင်း တရင်း နံပတ်ကတော့ မသိပါဘူး။ အဲဒီ တပ်ရင်းတွေက စစ်သား အများအပြားနဲ့ အဒူလာကိန်း အဖွဲ့ကို အပြင်း အထန် စစ်ဆင်ရေး တရပ်ပြုလုပ်ပြီး တောနှင်းရှာဖွေ ခဲ့ပါတယ်။ နယ်စပ် ၀င်ပေါက် ထွက်ပေါက်တွေကို အကုန်လုံးပိတ်ပြီး စစ်ဆင်ရေး လုပ်ခဲ့ပါတယ်။ မမိပါဘူး။ စစ်ဆင်ရေး လုပ်တုန်းက ဆိုရင် မောင်တော တောင်ပိုင်းက တောင်ကျော်လမ်းတွေ အကုန်လုံးကို ပိတ်ထားပါတယ်။ ခုတော့ စစ်ဆင်ရေးက ရုပ်သွားပါပြီ။ ဒါပေမယ့် တောထဲမှာ စစ်သားတွေ ဆက်လက် ရှိနေတုန်းဘဲလို့ သိရပါတယ်။”

အဆိုပါ အဖွဲ့မှာ အင်အား ၂၀ ခန့်ရှိပြီး ဘင်္ဂလာဒေခ်ျ့်ဘက်မှ နတ်မြစ်ကို လှေဖြင့် ဖြတ်ပြီး မြန်မာ နယ်စပ်ကို ၀င်ရောက်ကာ နအဖနှင့် နီးစပ်သူများကို သတ်ဖြတ်နေခြင်း ဖြစ်သည်။

အမည်မဖေါ်လိုသူ မောင်တော မြို့ခံ တဦးကလည်း “ ဒီ အဒူလာကိန်း အဖွဲ့ကို လူတိုင်းသိနေပါတယ်။ သူတို့က လူသတ်တာတွေ တော်တော်များနေပြီ ဆိုတော့ ဒေသခံတွေ ကလည်း သူတို့ အဖွဲ့ဆိုရင် ကြောက်နေကြရပါတယ်။ နစကတွေက တခါမှ သူ့အဖွဲ့ကို မိအောင် မဖမ်းနိုင်သေးပါဘူး။” ဟု ပြောသည်။

အဒူလာကိန်း အဖွဲ့သည် လွန်ခဲသော နှစ်အနည်းငယ်ကလည်း သ၀င်ချောင်းကျေးရွာမှ ရယက အတွင်းရေးမှူး မူဆလင် အမျိုးသား မောင်မောင်တင်နှင့် ဦးရွှေကျ ကျေးရွာမှ ရယက အဖွဲ့ဝင် အဒူဖေါ်ဇာ တို့ကို သတ်ဖြတ်ပစ်ခဲ့သည်။ အဆိုပါ အဖွဲ့သည် မောင်တောမြို့နယ်တွင် လူပေါင်း ၂၀ ခန့်ကို သတ်ဖြတ်ခဲ့ပြီ ဖြစ်သည်ဟု သိရသည်။
Copy from www.narinjara.com

Monday 10 May 2010

အထူးသတင်း

အမေရိကန် ၀န်ကြီး ဒေါ်အောင်ဆန်းစုကြည်နှင့် တွေ့မည်

အမျိုးသား ဒီမိုကရေစီ အဖွဲ့ချုပ်(NLD) ခေါင်းဆောင် ဒေါ်အောင်ဆန်းစုကြည်သည် ရန်ကုန်မြို့တွင် ရောက်ရှိနေသော အမေရိကန် ၀န်ကြီးတဦးနှင့် စိမ်းလဲ့ကန်သာ ဧည့်ဂေဟာတွင် ယနေ့ နေ့လယ် ၁ နာရီ၌ တွေ့ဆုံမည်ဟု သိရသည်။

အရှေ့ အာရှနှင့် ပစိဖိတ်ရေးရာ လက်ထောက် နိုင်ငံခြားရေး ၀န်ကြီး မစ္စတာ ကာ့တ်ကမ်းဘဲလ်သည် တခြားသော NLD ခေါင်းဆောင်များနှင့်လည်း အမေရိကန်သံရုံး တာဝန်ခံ၏အိမ်တွင် နံနက် ၁၁ နာရီ၌ တွေ့ဆုံမည်ဟု NLD ပြောခွင့်ရ ပုဂ္ဂိုလ် ဦးဉာဏ်ဝင်းက ဧရာဝတီကို ပြောသည်။

မစ္စတာ ကမ်းဘဲလ်သည် ပြန်ကြားရေး ၀န်ကြီး ဦးကျော်ဆန်း အပါအ၀င် အစိုးရ အရာရှိများနှင့်လည်း ယမန်နေ့က တွေ့ဆုံခဲ့ကြောင်း သိရသည်။
Copy from http://www.irrawaddy.org

Sunday 9 May 2010

VOA ထက် ဦးစွာဖော်ပြခဲ့သော သတင်းမီဒီယာနှင့် ရမ်းပြော AAPP

http://burmatoday.net/news2005/2010/201005/100508_bty_bur_phyoe_wai_aung.swf

ပိုမိုရှင်းသွားအောင် ဗွီအိုအေ ရဲ့ ၀၉.၀၅.၂၀၁၀ အချိန် ၁၈ နာရီ သတင်းကို နားထောင်ကြည့်ပါ။ အေအေပီပီက ကိုဖြိုးဝေအောင်နှင့် ပတ်သက်ပြီး ဘာသတင်းအချက်အလက်မှ မရှိဘဲ အင်တာဗျူးထားသည်။

Fighting Peacock Objective

Fighting Peacok Flag Object

Friday 7 May 2010

မျိုးယုတ်ညီနောင်

ခွပ်ဒေါင်း အလံ အသုံးပြုသော နိုင်ငံရေးပါတီ ကန့်ကွက်ခံရ
ကိုထွေး Friday, May 07, 2010

နိုင်ငံရေး ပါတီသစ် နှစ်ခုက သုံးစွဲမည့် အလံများသည် မြန်မာ့သမိုင်း အတွက် အရေးပါသည့် သင်္ကေတများ ဖြစ်နေသဖြင့် သုံးခွင့်မပြုရန် ရန်ကုန် အခြေစိုက် စာပေ အနုပညာရှင် ၄၀ က ရွေးကောက်ပွဲ ကော်မရှင်သို့ စာရေးသား ပေးပို့ တောင်းဆိုလိုက်သည်။

၂၀၀၇ ခုနှစ် စက်တင်ဘာလအတွင်းက ပြင်သစ်နိုင်ငံ ပဲရစ်မြို့ မြန်မာ သံရုံးပြင်ပတွင် ဆန္ဒပြသူများ ကိုင်ဆောင်ထားသည့် ခွပ်ဒေါင်းအလံကို တွေ့မြင်ရစဉ် (ဓာတ်ပုံ - Hughes Léglise-Bataille)
ပြည်ထောင်စု မြန်မာနိုင်ငံ အမျိုးသားနိုင်ငံရေး အဖွဲ့ချုပ်နှင့် ၈၈ မျိုးဆက် ကျောင်းသား လူငယ်များ (ပြည်ထောင်စု မြန်မာနိုင်ငံ) နိုင်ငံရေး ပါတီတို့က အသုံးပြုမည့် အလံများသည် ဗမာ့ လွတ်လပ်ရေး တပ်မတော် (BIA) နှင့် ဗမာနိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ် (ABSFU) တို့က အသုံးပြု နေသည့် အလံများနှင့် တူနေသဖြင့် ယင်းသို့ ကန့်ကွက်ခြင်း ဖြစ်ကြောင်း ဆိုသည်။

တမျိုးသားလုံးနှင့် သက်ဆိုင်သည့် မြန်မာ့သမိုင်း၏ အရေးပါသော အလံ၊ သင်္ကေတ များသည် ပါတီနိုင်ငံရေး ကင်းရှင်းစွာ ရှိမှသာ သမိုင်းတန်ဖိုး မယုတ် မလျော့ဘဲ နောင်လာ နောက်သားများ အတွက် ကျန်ရှိနေမည် ဖြစ်ကြောင်းလည်း ယင်းစာတွင် ပါရှိသည်။

ကန့်ကွက်လွှာတွင် လက်မှတ်ရေးထိုးခဲ့သော ၀ါရင့် သတင်းစာဆရာကြီး တဦးဖြစ်သူ လူထုစိန်ဝင်းက နိုင်ငံရေးပါတီ ထူထောင်ခြင်း သည် လူတဦးချင်း၏ လွတ်လပ်ခွင့် ဖြစ်သည့် အတွက် တစုံတရာ မပြောကြားလိုသော်လည်း ကျောင်းသား သမဂ္ဂအဖွဲ့ချုပ် အလံ ကို အသုံးပြုထားခြင်းသည် သင့်လျော်ခြင်း မရှိဟု ဆိုသည်။

“ကျောင်းသား သမဂ္ဂဆိုတာ ဗိုလ်ချုပ်အောင်ဆန်းတို့ ခေတ်ကတည်းက နိုင်ငံလွတ်လပ်ရေးအတွက် ရှေ့တန်းက ပါခဲ့တဲ့ အဖွဲ့ အစည်း တရပ်ဖြစ်တယ်လေ၊ ဒီအလံဟာ တဦးတဖွဲ့ အသင်းအပင်းနဲ့ဆိုင်တာ မဟုတ်တော့ဘူး၊ တမျိုးသားလုံးနဲ့ သက်ဆိုင်တဲ့ အဓိပ္ပာယ် သက်ရောက်သွားပါပြီ၊ ပါတီအဖွဲ့အစည်းတရပ်က ကိုယ်ပိုင်အနေနဲ့ အသုံးမပြုသင့်တော့ဘူးလို့ ယူဆပါတယ်”ဟု လူထု စိန်ဝင်းက ပြောသည်။

စာရေးဆရာ မောင်ဝံသကလည်း “ကျနော်ကတော့ ကျောင်းသား သမဂ္ဂဟောင်း တယောက်အနေနဲ့ လက်မှတ်ထိုးလိုက်တာပဲ၊ ခွပ်ဒေါင်းကို သူ့ပါတီ အဓိပ္ပာယ်နဲ့သူလုပ်တာက ကိစ္စမရှိဘူးလေ၊ အခုဟာက ကျောင်းသားသမဂ္ဂ အလံအတိုင်း ယူသုံးထားတော့ ကျနော်တို့က အဲဒါကို ပြင်ပေးပါပေါ့”ဟု ဆိုသည်။

ဒေါင်းကို မြန်မာဘုရင်များလက်ထက်ကတည်းက မြန်မာတို့၏ သင်္ကေတအဖြစ် အသုံးပြုခဲ့ကြပြီး ကိုလိုနီခေတ်တွင် ကျောင်းသား များက ခွပ်ဒေါင်းကို အလံတွင် ထည့်သွင်း၍ လွတ်လပ်ရေးအတွက် ကြိုးပမ်းခဲ့ကြသည်။

ခွပ်ဒေါင်း သင်္ကေတသည် ဒီမိုကရေစီရေး ကြိုးပမ်းမှုနှင့် စစ်အစိုးရကို ဆန့်ကျင်သည့် သင်္ကေတအဖြစ် မြန်မာ လူငယ်များအကြား အသိအမှတ်ပြုထားကြသည်။

ရန်ကုန် အလင်းတန်း ဂျာနယ် အယ်ဒီတာ ဦးမျိုးမြင့်ညိမ်းက “သမဂ္ဂ အလံဆိုတာက ကျောင်းသားတွေ ဦးဆောင်တဲ့ အမျိုးသား နိုင်ငံရေး ကိစ္စတွေ မှာပဲသုံးတယ်၊ သမိုင်းစဉ်အဆက်ဆက် ခေတ်အဆက်ဆက် လက်ဆင့်ကမ်းလာတဲ့ အလံ ဖြစ်တယ်၊ ဒါဟာ ကိုယ်ထူထောင်တဲ့ ပါတီတခုအတွက် ကျောင်းသားတွေအလံကို ယူသုံးတာ လက်မခံနိုင်ပါဘူး”ဟု ပြောသည်။

မြန်မာနိုင်ငံတွင် ခွပ်ဒေါင်း သင်္ကေတသည် လုံးဝ ပျောက်ဆုံးလုနီးနီးဖြစ်နေသည်ကို သတိပေးချင်ကြောင်း ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ)ပါတီခေါင်းဆောင် ကိုရဲထွန်းက ဆိုသည်။

“ဒေါင်းတွေ့တိုင်း ငါ့ဒေါင်းလို့မှ ပြောလို့မရတာကို၊ သူတို့အထောက်အထားနဲ့ ဘာပြောမလဲ၊ မြန်မာပြည်မှာ ခွပ်ဒေါင်းလို သင်္ကေတမျိုးက လူထုကြားထဲမှာ တရားဝင် သိက္ခာ ရှိရှိ မရပ်တည်ချင်ဘူးလား၊ ၀ိုင်းဖျက်ချင်ကြတာလား”ဟု ကိုရဲထွန်းက ဆိုသည်။

အမျိုးသား ဒီမိုကရေစီ အဖွဲ့ချုပ်က ခွပ်ဒေါင်းကို ပါတီအလံတွင် ထည့်သွင်း အသုံးပြုခဲ့စဉ်ကလည်း ကျောင်းသားသမဂ္ဂ အဖွဲ့ဝင်တချို့က ကန့်ကွက်ခဲ့ကြောင်း သိရသည်။

ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ်ကလည်း ခွပ်ဒေါင်းအလံနှင့် တံဆိပ်ကို ပါတီအလံအဖြစ်အသုံး ပြုခြင်းအပေါ် ယမန်နေ့က ကြေညာချက်ထုတ်ပြန် ကန့်ကွက်ခဲ့သည်။

၁၉၆၀ ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ်၏ ဆဋ္ဌမအကြိမ် နိုင်ငံလုံးဆိုင်ရာ ညီလာခံတွင် တက်ရောက် လာသော ကျောင်းသား ကိုယ်စားလှယ်များ အားလုံးက အဆိုပါ ခွပ်ဒေါင်းအလံသည် တရားဝင်အလံဖြစ်ကြောင်း အတည်ပြု ပြဌာန်းခဲ့ခြင်းဖြစ်သည်ဟု ကြေညာချက်တွင် ရေးသားထားသည်။
Copy from www.irrawaddy.org

Constitution of Overseas National Students' Organization of Burma.

Constitution of Overseas National Students' Organization of Burma

Thursday 6 May 2010

ဘီလူးရုပ် ပေါ်လာပြီ

NLD ခေါင်းဆောင်တချို့ ပါတီထောင်မည်
ဧရာဝတီ Thursday, May 06, 2010 .အမျိုးသား ဒီမိုကရေစီ အဖွဲ့ချုပ် (NLD) ခေါင်းဆောင် တချို့က ရွေးကောက်ပွဲ ဝင်ရန် ပါတီသစ်တခု သီးခြား ထောင်မည်ဟု သိရသည်။

ရွေးကောက်ပွဲကို သပိတ်မှောက်ရန် သဘောမတူခဲ့သည့် အဖွဲ့ဝင်များ ပါဝင်မည့် ယင်း ပါတီအမည်ကို“အမျိုးသား ဒီမိုကရေစီ အင်အားစု (National Democratic Force)” ဟု အမည်ပေးမည် ဖြစ်ကြောင်း NLD ခေါင်းဆောင် တဦးဖြစ်သူ ဒေါက်တာ သန်းငြိမ်းက ဧရာဝတီသို့ ပြောသည်။
ယမန်နေ့က NLD ရုံးချုပ်တွင် ဒေါ်အောင်ဆန်းစုကြည် မွေးနေ့ အကြိုကျင်းပသည့် ပညာသင် ထောက်ပံ့ကြေး ပေးအပ်ပွဲသို့ တက်ရောက် လာသည့် အကျဉ်းကျ ပါတီဝင်များ၏ မိသားစုဝင်များ (ဓာတ်ပုံ - AP)
“ကျနော်တို့ ပါတီခေါင်းဆောင် ဒေါ်အောင်ဆန်းစုကြည်ကို ဆန့်ကျင်တာ မဟုတ်ပါဘူး၊ ကျနော်တို့ရဲ့ နိုင်ငံရေး လှုပ်ရှားမှုတွေ ဆက်လုပ်ဖို့ သက်သက်ပါပဲ၊ ဒီလိုမှ မလုပ်ရင် ဘာမှ ဆက်လုပ်လို့ ရမှာ မဟုတ်ဘူး”ဟု ဒေါက်တာ သန်းငြိမ်းက ဆိုသည်။

NLD သည် စစ်အစိုးရ ပြဋ္ဌာန်း ထားသည့် ရွေးကောက်ပွဲ ဥပဒေ အရ ယနေ့ မေလ ၆ ရက်နေ့ ညသန်းခေါင်ယံတွင် တည်ဆဲ တရားဝင်ပါတီ အဖြစ်မှ ပျက်ပြယ်ပြီ ဖြစ်သည်။ တည်ဆဲ ပါတီ ၁၀ ခုအနက် ၄ ခုသာ ပြန်လည် မှတ်ပုံတင်သည်။

NLD ခေါင်းဆောင်ပိုင်းမှ ဒေါက်တာ ဝင်းနိုင်၊ ဦးသိန်းညွန့်၊ ဦးစိန်လှဦးနှင့် တခြား NLD ပါတီဝင်များ ပါတီသစ်တွင် ပါဝင်မည်ဟု ဒေါက်တာသန်းငြိမ်း က ပြောသည်။

NLD ခေါင်းဆောင်တဦး ဖြစ်သူ ဦးခင်မောင်ဆွေကလည်း NLD ဗဟို ကော်မတီဝင် (CC) ၁၀၀ ကျော် အနက် ၂၀ ခန့် ပါဝင်နိုင် ကြောင်းနှင့် ၄င်းအနေနှင့်မူ အကြံပေးအဖြစ် ရှိနိုင်ကြောင်း ပြောသည်။

ဒေါ်အောင်ဆန်းစုကြည်မပါဘဲ ရွေးကောက်ပွဲဝင်ရာတွင် လူထုထောက်ခံမှု ရှိမရှိနှင့်ပတ်သက်၍ ဒေါက်တာ သန်းငြိမ်း က အကောင်း မြင်ကြောင်းနှင့် ပါတီသစ်အနေဖြင့် မဲဆန္ဒနယ် မည်ရွေ့မည်မျှ ဝင်ရောက်ယှဉ်ပြိုင်မည်ကို ယခုဖွဲ့မည့် ပါတီ ခေါင်းဆောင်များက ဆုံးဖြတ်မည်ဟု ဆိုသည်။

စစ်ဘက်မှ အရပ်ဘက်သို့ ပြောင်းလာသော အဆင့်မြင့်အရာရှိများ အပါအဝင် ၂၆ ဦးကို နိုင်ငံတော်ဝန်ကြီးချုပ် ဦးသိန်းစိန်က ဦးဆောင်လျက် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) ကို ဧပြီလ ၂၉ ရက်နေ့က ပါတီမှတ်ပုံတင်ခွင့် လျှောက် ထားခဲ့သည်။

ယင်း ဦးသိန်းစိန်၏ ကြံ့ဖွံ့ပါတီက ရွေးကောက်ပွဲတွင် နေရာယူမည်မှာ သံသယ မရှိကြောင်း ဒေါက်တာသန်းငြိမ်းက ပြောဆို သည်။

BESU Statement

BESU Statement

နယူးဇီလန် ဆိပ်ကမ်းတွင် ကျွန်းသစ်လုံးများ ချခိုက် မြန်မာ သင်္ဘောသား တစ်ဦး အသက်ရှူ ကြပ်၍ သေဆုံး

နယူးဇီလန် မြောက်ပိုင်း ၀ှန်ဂါရီမြို့အနီး မားစ်ဒဲန်ပွိုင့် ဆိပ်ကမ်းတွင် ဆိုက်ကပ်ပြီး ကျွန်းသစ်လုံး များ ချလျက်ရှိသော ပနားမား မှတ်ပုံတင် သင်္ဘော တစ်စီး ပေါ်မှ မြန်မာ သင်္ဘောသား တစ်ဦး ဖြစ်သူ ကိုသီဟအောင် သည် မေလ ၃ ရက်နေ့ ညနေပိုင်းက လေအလုံ အလောက် မရရှိ သဖြင့် အသက်ရှူ ကြပ် သေဆုံး သွားခဲ့ကြောင်း သိရှိ ရပါသည်။ ယင်း သင်္ဘော ပေါ်တွင် မြန်မာသင်္ဘော သား ဆယ်ဦး အလုပ် လုပ်ကိုင်လျက် ရှိပြီး ယခုဖြစ်ရပ် ဖြစ်ပွား ပြီးနောက် မြန်မာ နိုင်ငံသို့ ပြန်ကြ မည်ဟု သိရသည်။ ကိုသီဟအောင်သည် ကိုရီးယား သင်္ဘောအရာရှိ တစ်ဦး နှင့်အတူ ယင်းတို့ အလုပ်လုပ်ရာ တီပီစီ ၀ယ်လင်တန် သင်္ဘော ၀မ်းကုန်ခန်း အတွင်း ရေ ၀င်အောင်ခြင်း ရှိ မရှိ သွားရောက် စစ်ဆေးစဉ် အခိုး အငွေ့များ အကြား အောင်စီဂျင် အလုံ အလောက် မရပဲ သေဆုံး သွားခြင်း ဖြစ်ပြီး အသေးစိတ် ကို ဆက်လက် စုံစမ်း စစ်ဆေးဆဲ ဖြစ်သည်။

အခင်း ဖြစ်ပွား မှုတွင် ကြားဝင် စေ့စပ် ဖြေရှင်း ပေးသော အပြည်ပြည်ဆိုင်ရာ ပို့ဆောင်ရေး အလုပ်သမားများ ဖက်ဒရေးရှင်းမှ ဂရာဟိန်းမက်ကလန်က သင်္ဘောသား များမှ သင်္ဘောကို စွန့်ခွာရန် အခိုင်အမာ ဆုံးဖြတ်ထား ကြကြောင်း၊ သူတို့၏ အလုပ်ကို ဘေးကင်းမှု မရှိဟု ထင်မြင်ကာ ပျော်ရွှင်မှု ကင်းစွာ စိတ်ဓါတ် ကျလျက် ရှိကြောင်း ပြောကြားသည်။ နယူးဇီလန် အလုပ်သမား သမဂ္ဂ ကလည်း သင်္ဘောသားများ အနေဖြင့် သူတို့ ဘေးမကင်းဟု ယူဆသော အလုပ် တာဝန် များကို ငြင်းဆန်ခွင့် ပြုရန် သဘော တူညီ ချက်ဖြင့် သင်္ဘောကို ထွက်ခွာခွင့် ပြုလိုက်သည်။

သင်္ဘောသား များသည် သင်္ဘောဖြင့် ကိုရီးယားနိုင်ငံသို့ ပြန်ကြမည် ဖြစ်ပြီး ယင်းတွင် သက်ဆိုင်ရာ ကုမ္ပဏီမှ လစာ နှင့် ဆုကြေး အပြန် မြန်မာ နိုင်ငံသို့ အပြန် စရိတ် ကိုပါ ထုတ်ပေးမည် ဖြစ်သည်။ သတင်းများ အရ ကိုသီဟအောင်သည် ကိုရီးယား အရာရှိ အသက်ရှူကြပ် နေခြင်းကို အသက်ရှူ ကိရိယာ များမပါပဲ သွားရောက် ကယ်တင် ခဲ့ခြင်း ဖြစ်ပြီး သူတို့ နှစ်ဦးကို ကယ်တင်ရန် ကြိုးစားသော တတိယ သင်္ဘောသားမှာ ဆေးရုံတင် ကုသနိုင်ခဲ့ပြီး အသက်ရှင်ခဲ့ ကြောင်း သိရသည်။
၆ . ၅ . ၂၀၁၀
Copy www.hanthawaddy.org

Wednesday 5 May 2010

မြန်မာပြည်မှာ လူဖြစ်ရတာ

တောင်ပေါ်သား လူနည်းစုများကို ပေါ်တာ အဖြစ် နအဖ စစ်တပ်မှ ခိုင်းစေနေ
5/4/2010


မောင်အေး (နိရဉ္စရာ)
ရခိုင်ပြည်နယ် မြောက်ပိုင်း ဘူးသီးတောင်မြို့နယ်မှ တောင်ပေါ် တိုင်းရင်းသားများကို ဒေသ အခြေစိုက် စစ်တပ် တပ်ရင်းများမှ အခကြေးငွေ တစုံတရာ မပေးဘဲ အထမ်းသမား ပေါ်တာများ အဖြစ် အသုံးပြု နေကြောင်း ဒိုင်းနက် အမျိုးသား တဦးက ပြောသည်။

“စစ်တပ်တွေက ရွာတွေကို အဖွဲ့လိုက် အထမ်းသမားတွေ အတင်း တောင်းပီး ခိုင်းစေနေတာ ဖြစ်ပါတယ်။ ကျွန်တော်တို့ ရွာသားတွေ အနေနဲ့ ဘူးသီးတောင်မြို့နယ် မြောက်ပိုင်း တောင်ဘဇားဈေးက ရိက္ခာတွေကို ဒိုးတန်း တောင်ကို ဖြတ်ပြီး ၀ါးနက်ရုံစခန်းနဲ့ နဟုံးနဟန်း ရှေ့တန်း စခန်းတွေကို ပို့ပေးရပါတယ်။ ခရီးက အသွားအပြန်က ၂ ရက် ကြာပါတယ်။ တခါတခါ ပိုက်ဆံ တကျပ်မှ မရပါ။ တခါတခါ တလေကျတော့လည်း စစ်ဗိုလ်တွေက တယောက်ကို ၁၀၀ ကျပ် အဲသလိုမျိုးပေးတာ ရှိပါတယ်။ တနေ့လုပ်အားခ ကျပ် ၁၀၀၀ ရှိတဲ့ နေရာမှာ ကျပ် ၁၀၀ ရလို့ကတော့ ဘာမှ ထူးတာ မဟုတ်ပါဘူး။”

ဝါးနက်ရုံ စခန်းနှင့် နဟုံးနဟန်း ရှေ့တန်း စခန်းများ နအဖ စစ်တပ်၏ အမာခံ ခြေကုတ် ရှေ့တန်း စခန်းများ ဖြစ်ပြီး ဘူးသီတောင်မြို့နယ် မြောက်ပိုင်း ဘင်္ဂလာဒေခ်ျ့ နယ်စပ်နှင့် နီးကပ်စွာ တည်ရှိနေသော စခန်းများ ဖြစ်ကြသည်။

အဆိုပါ ဘူးသီးတောင်မြို့နယ် မြောက်ပိုင်းတွင် အဓိက နေထိုင်သော ရခိုင်မျိုးနွယ်စုများမှာ ဒိုင်းနက်နှင့် မြို လူမျိုးများ ဖြစ်ကြပြီး သူတို့ကို စစ်တပ် အတွက် ရိက္ခာများ သယ်ယူရာတွင် အမြဲ ခိုင်းစေနေကြောင်း သူက ပြောသည်။

“အခုက မိုးရာသီ လာတော့မယ်ဆိုတော့ စစ်တပ်က ရိက္ခာတွေကို အလုံအရင်းနဲ့ ရှေ့တန်းစခန်း တွေကို တင်ပို့နေပါတယ်။ မိုးရာသီဆိုရင် စိုင်းတင် ချောင်းက ရေစီးသန်တဲ့ အတွက် အဲဒီ ချောင်းကို ဖြတ်ပီး ရှေ့တန်း စခန်းတွေကို ရိက္ခာတွေ တင်ပို့လို့ မရဘူး။ ဒါကြောင့် စစ်တပ်က ကျေးရွာတွေ အလိုက် လူတွေကို ဆင့်ခေါ်ပီး ရိက္ခာတွေကို အခု ရှေ့တန်း စခန်းတွေကို ပို့ပေးနေတာ ဖြစ်ပါတယ်။”

ယခု စစ်တပ်မှ ရိက္ခာသယ်ရန် ပေါ်တာ အထမ်းသမားများ ခေါ်ယူ ခံနေကြရသော ကျေးရွာများမှာ ပန်းကုံးမ၊ ချောင်းရှည်၊ ပေါက်ကျပ်ဝ၊ စအုန်းခါး၊ ဘိုလီဖြူ၊ ပဲသတူ၊ ဂုတ်ပ်ီနှင့် သရဂူကျေးရွာများ ဖြစ်ကြသည်ဟု သူက ပြောသည်။

“ယခု လက်ရှိ ၀ါးနက်ရုံစခန်းမှာ စခန်းထိုင်နေတာကတော့ ပုဏ္ဍားကျွန်းမြို့ အခြေစိုက် ခမရ ၅၅၀ တပ်ရင်း ဖြစ်ပါတယ်။ များမကြာမီ ရက်ပိုင်းအတွင်း ရသေ့တောင် အခြေစိုက် ခမရ ၅၃၈ တပ်ရင်းနဲ့ အလဲအလှယ် ပြုလုပ်မယ်လို့ သိရပါတယ်။ တပ်ရင်း အလဲအလှယ် လုပ်ရင်လည်း ကျွန်တော်တို့ ဒေသခံတွေကို ပိုက်ဆံ တပြားမှ မပေးဘဲ အထုတ်အပိုးတွေကို သယ်ခိုင်းပါတယ်။ လက်နက်ခဲယမ်း မီးကျောက်တွေကိုလည်း သယ်ခိုင်းပါတယ်” ဟု သူက ဆက်ပြောသည်။

ယခုကဲသို့ ကျေးရွာသားများကို စစ်တပ်မှ ပေါ်တာ အထမ်းသမားများ အဖြစ် အသုံးပြုနေသဖြင့် ဒိုင်းနက်နှင့် မြိုလူမျိုး အများစုမှာ မိုးရာသီ နီးကပ်လာပြီ ဖြစ်သော်လည်း တောင်ယာ လုပ်ငန်းများကိုလည်း လုပ်ကိုင်နိုင်ခြင်း မရှိဘဲ ဖြစ်နေကြသည်ဟု သိရသည်။
Copy from www.narinjara.com

Tuesday 4 May 2010

နေချင်သူများ ရှိနေသော စကင်ဒီနေဗီးယား “ ထောင် ”

အကျဉ်းထောင်ချင်းတော့ မတူပါလေ
ကိုကျော်
မေ ၄၊ ၂၀၁၀

စားပွဲပေါ်က လှပစွာထွန်းညှိထားတဲ့ ဖယောင်းတိုင်တွေနဲ့အတူ ဆာမွန်ငါးများကိုလည်း စားချင်စဖွယ် ပြင်ဆင်ထားပါတယ်။ အတီးအမှုတ်ခရာသံတွေ စတင်လိုက်တာနဲ့ နော်ဝေဘုရင် ဟာရယ် (Harald V) က ခန်းမထဲကို ၀င်ရောက်လာတော့ ဧည့်သည် ၂၀၀ လောက်က မတ်တပ်ရပ်ပြီး နှုတ်ဆက်ကြပါတယ်။ တချိန်ထဲမှာပဲ အပြာရောင်ဝတ်စုံနဲ့ ရဲအဖွဲ့ဝင် ၃၀ က ”We Are the World” သီချင်းကို စတင်သီဆိုကြပါတော့တယ်။ ဒီမြင်ကွင်းက နော်ဝေဘုရင့်နန်းတော်က ညစာစားပွဲတစ်ခု မဟုတ်ပါဘူး။ တကယ်တော့ နော်ဝေနိုင်ငံရဲ့ Halden Fengsel အကျဉ်းထောင်သစ် ဖွင့်ပွဲအခမ်းအနား ဖြစ်ပါတယ်။

ဒေါ်လာ ၂၅၂ သန်း ကုန်ကျပြီး ဆောက်လုပ်ထားတဲ့ ထောင်သစ်ဟာ နော်ဝေနိုင်ငံ တောင်ပိုင်း ဟေဒန်မြို့(Halden) ရဲ့ သစ်တောအုပ်ထဲမှာတည်ရှိပြီး ၇၅ ဧကကျယ်ဝန်းပါတယ်။ ထောင်သစ်မှာ ကျန်းမာရေးအတွက် လမ်းလျှောက်တောလမ်း၊ ဘုရားဝတ်ပြုခန်း၊ စာကြည့်တိုက်၊ ဘောလုံးကွင်း၊ အားကစားရုံ စတာတွေအပြင် ပိုပြီးထူးခြားတာက သီချင်းအသံသွင်းခန်း၊ နောက်ပြီး ထောင်သားတွေကို လာတွေ့ကြမဲ့ မိသားစုဝင်တွေအတွက် ညအိပ်ဖို့ အိပ်ခန်း၂ခန်းပါတဲ့ သီးသန့်အိမ်လည်း ရှိပါတယ်။

အမေရိကန်ကထောင်တချို့လို ချွေးနံ့သေးနံ့တွေမရှိဘဲ နော်ဝေထောင်အသစ်ထဲမှာ ထောင်သားတွေရဲ့ အချက်အပြုတ်သင်တန်း မီးဖိုဆောင်က လိမ္မော်နံ့လေး ပျံ့လွင့်နေတတ်ပါတယ်။ “နော်ဝေရဲ့အကျဉ်းထောင်စံနစ်ဟာ လူ့အခွင့်အရေးနဲ့ လူကိုလူလိုဆက်ဆံရေးတို့ကို အထူးဂရုစိုက်ကြပါတယ်။ အခု တွေ့နေရတာတွေဟာ ကျနော်တို့အတွက် အထူးအဆန်းလို့ မမြင်ပါဘူး” လို့ ထောင်အရာရှိ Are Hoidal က ရှင်းပြပါတယ်။

ဟေဒန်ထောင်သစ်ကို ယခုနှစ်ဧပြီ ၈ ရက်နေ့မှာ ဖွင့်လှစ်ခဲ့ပြီး အကျဉ်းသား ၂၅၂ ယောက်ထိ လက်ခံနိုင်ပါတယ်။ နော်ဝေအကျဉ်းထောင်ရဲ့ ခံယူချက်ကတော့ လူမဆန်ဖိနှိပ်ချုပ်ချယ်တဲ့ အကျဉ်းထောင်စံနစ်ထက် အကျဉ်းသားများကို လူသားဆန်စွာဆက်ဆံတဲ့ စံနစ်က သူတို့ ထောင်ကထွက်သွားပြီးနောက် ပုံမှန်လူ့ဘောင်အဖွဲ့အစည်းထဲကို ပြန်လည်ဝင်ရောက်နိုင်တဲ့ အခွင့်အရေး ပိုမိုများတယ်လို့ ဆိုပါတယ်။ “သင်တန်းပို့ချမှု၊ ပညာပေးမှု တွေကနေတဆင့် ထောင်သားတွေရဲ့ဘ၀ကို ပြန်လည်တည်ဆောက်ပေးချင်တယ်၊ လူကောင်းအဖြစ်နဲ့ ထောင်ကထွက်သွားတာ ဖြစ်စေချင်တယ်” ဟု ထောင်အရာရှိက ဆက်လက်ပြောပြပါတယ်။

အထောက်အထားအရ နော်ဝေရဲ့ထောင်စံနစ်က အောင်မြင်တယ်လို့ ဆိုရပါမယ်။ ထောင်မှထွက်ပြီး ၂ နှစ်အတွင်း ထောင်ထဲသို့ပြန်ရောက်လာသူ နော်ဝေမှာ ၂၀% ရှိပြီး အင်္ဂလန်နဲ့ အမေရိကန်မှာ ၅၀ နဲ့ ၆၀ ရာခိုင်နှုံးထိ ရှိပါတယ်။

ဟေဒန်ထောင်ရဲ့ တည်ဆောက်ပုံဒီဇိုင်းကလည်း အဓိကအခန်းမှာ ပါဝင်ပါတယ်။ “အရေးကြီးဆုံးအချက်ကတော့ အကျဉ်းထောင်ကို ထောင်ရဲ့အပြင်လောကနဲ့ တူနိုင်သလောက်တူအောင် ဖန်တီးဖို့ပါပဲ” လို့ ဒီဇိုင်းအင်ဂျင်နီယာ Hans Hoilund က ပြောပါတယ်။ ထောင်ဆိုတဲ့ခံစားချက်မရှိအောင် ထောင်ရဲ့အပြင်ဖက်ကို ကွန်ကရစ်မဟုတ်ဘဲ အုတ်ခဲ၊ စတီး တွေနဲ့ ဒီဇိုင်းဆင်ထားပြီး သစ်ပင်တွေနဲ့ ၀ိုင်းရံထားပါတယ်။ ထောင်လို့ပြောနိုင်တဲ့ တစ်ခုတည်းသော အရာကတော့ ပေ ၂၀ မြင့်တဲ့ ကွန်ကရစ်တံတိုင်းပဲ ဖြစ်ပါတယ်။ ဒါတောင် တံတိုင်းရဲ့ထိပ်ဆုံးကို အနားလုံးဝန်းအောင် လုပ်ထားပါတယ်။

ထောင်ထဲကအချုပ်ခန်းတွေကို ကောလိပ်ကျောင်းဆောင်အခန်းတွေနဲ့ နှိုင်းယှဉ်လို့ရပါတယ်။ တီဗီမှန်ပါး(flat-screen TV) နဲ့ ရေခဲသေတ္တာ အရွယ်သေးရှိတယ်။ အလင်းရောင် ကောင်းကောင်းဝင်အောင် ဒေါင်လိုက်ရှည်လျားတဲ့ မှန်ပြတင်းပေါက်တွေ တပ်ထားပေးပါတယ်။ မှန်ပြတင်းပေါက်တွေက အလွန်ခိုင်ခံပြီး သံတိုင်တွေ ထည့်မထားပါဘူး။ အချုပ်ခန်း ၁၀ ခု ၁၂ ခုတိုင်းအတွက် နားခန်း နဲ့ မီးဖိုဆောင် တစ်ခုစီပေးထားပါတယ်။ မီးဖိုဆောင်ထဲမှာ စတီးရောင်ကောင်တာ၊ ကော်ဖီစားပွဲ၊ ဆိုဖာ တွေက Ikea ပရိဘောဂဆိုင်က ပြခန်းတွေနဲ့ တူနေပါတယ်။

ဟေဒန်ထောင်ကနေ အတုယူအားကျစရာ အကောင်းဆုံးတစ်ခုကတော့ အကျဉ်းသားတွေနဲ့ ထောင်ဝန်ထမ်းတွေအကြားက ဆက်ဆံရေးဖြစ်ပါတယ်။ ထောင်စောင့်ရဲတွေက သေနတ်မဆောင်ထားပါဘူး။ နောက်ပြီး ရဲတွေက အကျဉ်းသားတွေနဲ့အတူ ထမင်းစားကြ၊ ကစားကြပါတယ်။ ထောင်သားတွေအများစုဟာ ဆိုးဝါးတဲ့ဘ၀နောက်ခံတွေ ရှိခဲ့ကြပါတယ်၊ ဒါကြောင့် မိသားစုပုံစံလို ခံစားမိအောင် စီစဉ်ပေးရတာလို့ သိရပါတယ်။ နောက်ပြီး ထောင်ဝန်ထမ်းရဲ့ တ၀က်လောက်က အမျိုးသမီးတွေဖြစ်ပါတယ်၊ ခိုက်ရန်ဒေါသလျော့နည်းအောင် ရည်ရွယ်တာလို့ သိရပါတယ်။ ထောင်နဲ့ပတ်သက်ပြီး အကြံပြုချက်တွေကိုလည်း ထောင်သားတွေက ပေးနိုင်ပါတယ်။

ဟေဒန်ထောင်ရဲ့သတင်းကြောင့် အဲဒီမှာအလုပ်လုပ်ဖို့ စိတ်ဝင်စားသူတွေ များလာပါတယ်။ “ကျနော်တို့ကို ဘယ်သူကမှ အတင်းအကျပ်ခိုင်းပြီး ဒီမှာအလုပ်လာလုပ်ခိုင်းတာ မဟုတ်ပါဘူး၊ ကျနော်တို့ကိုယ်တိုင် ရွေးချယ်ပြီးမှ လာလုပ်တာပါ” ဟု ထောင်ဝန်ထမ်းတစ်ဦးဖြစ်သူ ဂီတဆရာတစ်ဦးလည်းဖြစ်တဲ့ Clasen က ပြောပါတယ်။ “ကျနော်တို့ရဲ့ ရည်ရွယ်ချက်က ဒီတံတိုင်းအတွင်းမှာ ထောင်သားအားလုံးကို အဓိပ္ပာယ်ရှိသောဘ၀ ပေးချင်တာပါ” ဟု Clasen က ပြောပြသွားပါတယ်။
( မေ ၁၀ ရက် ၂၀၁၀ တိုင်းမ်မဂ္ဂဇင်းမှ ကောက်နုတ်ထားပါတယ်။)
Copy from http://www.moemaka.com/

ဗုံးပေါက်ကွဲမှု သတင်းစာရှင်းလင်းပွဲလုပ်မည်

မျိုးသိဏ်း အင်္ဂါနေ့၊ မေလ ၀၄ ရက် ၂၀၁၀ ခုနှစ် ၁၇ နာရီ ၁၈ မိနစ် .
ရန်ကုန် (မဇ္ဈိမ)။ ။ သင်္ကြန်အကြတ်နေ့ ရန်ကုန်ဗုံးပေါက်ကွဲမှုနှင့် စပ်လျဉ်းသည့် သတင်းစာရှင်းလင်းပွဲတရပ်ကို မေလ (၆)ရက်နေ့တွင် နေပြည်တော်တွင် ပြုလုပ်မည်ဖြစ်ကြောင်း သိရသည်။

ရဲချုပ်ခင်ရီ ဦးဆောင်မည့် အဆိုပါ သတင်းစာရှင်းလင်းပွဲကို တက်ရောက်ရန် ပြည်တွင်းမီဒီယာများနှင့် ပြည်ပသတင်းဌာနများမှ ကိုယ်စားလှယ်များကို ယနေ့ မေလ (၄)ရက်နေ့တွင် စာပေစိစစ်ရေးမှ အကြောင်းကြားခဲ့သည်။

"ဂျာနယ်တိုက်တတိုက်ကို အယ်ဒီတာချုပ်နဲ့ နောက်တဦးတက်ခွင့်ရပါတယ်။ တက်မယ့်လူစာရင်းကို တခါတည်းပေးလိုက်ရတယ်။ ရန်ကုန်က မီဒီယာအားလုံးကို စိစစ်ရေးက ကားနဲ့ အကြိုအပို့လုပ်ပေးမယ်လို့ ပြောတယ်။" ဟု ရန်ကုန်အခြေစိုက် ဂျာနယ်တစောင်မှ အယ်ဒီတာချုပ်ဖြစ်သူက ဆိုသည်။

ရေကစားမဏ္ဍပ်ရှေ့တွင် ဗုံးသုံးလုံး ဆက်တိုက်ပေါက်ကွဲခဲ့မှုကြောင့် တာဝန်ကျလုံခြုံရေးအများစု ပါဝင်သော လူ ၁ဝ ဦး သေဆုံးပြီး ၁၇ဝ ခန့် ဒဏ်ရာရရှိခဲ့သည်။
Copy from www.mizzimaburmese.com

Monday 3 May 2010

မုဒိမ်းကျင့် သတ်ဖြတ်

၇ တန်းကျောင်းသူလေးတဦးအား နအဖ တပ်ထွက်အဖွဲ့ တစ်ဖွဲ့က မုဒိမ်းကျင့် သတ်ဖြတ်
Monday, 03 May 2010 18:36 မွေခေါဝ်

သျှမ်းပြည်မြောက်ပိုင်းနေ အသက် ၁၃ နှစ်အရွယ် ၇ တန်းကျောင်းသူလေးတဦးအား နအဖ တပ်ထွက်အဖွဲ့ တစ်ဖွဲ့က မုဒိမ်းကျင့် သတ်ဖြတ်ခဲ့ကြောင်း စုံစမ်းသိရှိရသည်။

သျှမ်းပြည်မြောက်ပိုင်း၊ မိုင်းရယ်မြို့နယ်၊ လုခိုက်ကျေးရွာအုပ်စု၊ နားယန်း ကျေးရွာနေ အဖစိုင်းတိနှင့် အမိ နန်းလိုင်(နာမည်ရင်းမဟုတ်) တို့၏သမီး နန်းရွက်(အမည်ရင်းမဟုတ်) အား ဧပြီ ၂၄ ရက် (စနေနေ့) က စစ်ထွက်မြင့်ဆွေ ဦးဆောင်သည့် နမ့်လောင်းချောင်း သဲကျုံးရောင်းသည့် ရဲဘော်ဟောင်းအဖွဲ့က မုဒိမ်းပြု သတ်ဖြတ်ခဲ့ခြင်းဖြစ်သည် ဟုဆိုသည်။

“ပြီးခဲ့တဲ့လ နောက်ဆုံးပတ်ကပေါ့ ရွာနီးချုပ်စပ် သူမ ကျွဲကျောင်းသွားတဲ့အချိန်မှာ မိုင်းရယ်-သီပေါလမ်းမကြီး ဘေး နမ့်လောင်းချောင်းတံတားအပေါ်ဘက် သဲတူးဖို့်လာကြတဲ့ တပ်ရင်း(၆၄)မှစစ်ထွက် လေးယောက်က မုဒိမ်းကျင့်ပြီး သတ်ဖြတ်ခဲ့တယ်” ဟု ရွာသားတစ်ဦးကပြောပါသည်။

ထိုစစ်သားထွက်များမှာ အသက်(၅၀) ရှိ စစ်ထွက်မြင့်ဆွေ၊ အသက်(၄၉) ရှိ စစ်ထွက်ထွန်းသိန်းနှင့် အမည် မသိသေးသော ၎င်းတို့၏တပ်ထွက်အဖော်နှစ်ယောက်ဖြစ်ကြောင်း ရွာသားများကပြောပြပါသည်။

“အလောင်းကို နားယန်းနဲ့ ဖာလုံဝက်အကွာ နမ့်လောင်းချောင်းသဲသောင်ပြင်မှာ ပစ်ထားခဲ့တယ်” ဟု လည်း အဆိုပါရွာသားက သျှမ်းသံတော်ဆင့်သို့ဆက်လက်ပြောပြပါသည်။

အဆိုပါကိစ္စနှင့် ပတ်သက်၍ သျှမ်းအမျိုးသမီးရေးရာလှုပ်ရှားမှုကွန်ယက်အဖွဲ့(SWAN) ကလည်း အသေးစိတ် အချက်အလက်များ ဆက်လက်စုံစမ်းနေကြောင်း တာဝန်ရှိသူတဦးကပြောပါသည်။
Copy from www.mongloi.org

ဖောက်ခွဲရေးသမား (၄၀) ကျော်

မြန်မာ အနောက်ဘက် နယ်စပ်တွင် အာဏာပိုင်များမှ ဗုံးလှန့်ထား
5/3/2010


တာကလူး(နိရဉ္စရာ) မြန်မာနိုင်ငံ အနောက်ဘက်နယ်စပ် ဘူးသီးတောင်နှင့် မောင်တော မြို့နယ်များတွင် ဒေသခံ အာဏာပိုင်များမှ ဗုံးလှန့်ထားပြီး အစိုးရ ဌာနဆိုင်ရာ အဆောက်အဦးများ၊ ကားလမ်းမများနှင့် လူစည်ကားရာ အရပ်များတွင် လုံခြုံရေး တိုးမြှင့်ချထားသည်ဟု သတင်းရရှိသည်။

ဘင်္ဂလာ နယ်စပ်ဘက်မှ ဖောက်ခွဲရေးသမား (၄၀) ကျော်သည် ဖောက်ခွဲ ဖျက်ဆီးမှုများ ပြုလုပ်ရန် မြန်မာဘက်သို့ ၀င်ရောက်နေသည်ဟု စစ်ဘက် ဆိုင်ရာမှ သတင်းထုတ်ပြန်ပြီးနောက် ယခုကဲ့သို့ လုံခြုံရေးကို တိုးမြှင့် လိုက်ခြင်းဖြစ်သည်ဟု မောင်တောမှ အမည်မဖေါ်လိုသူ ရဲအရာရှိတစ်ဦးက နိရဉ္စရာ သတင်းဌာနကို ပြောသည်။

"အနောက်ဘက် နယ်စပ် ဘင်္ဂလာနယ်ဘက်က တဆင့်ပေါ့နော် ဖောက်ခွဲရေးသမား ၄၀ ကျော်ဟာ ဖေါက်ခွဲရေး ပစ္စည်းတွေနဲ့ အတူ မောင်တော၊ ဘူးသီးတောင် နယ်မြေထဲကို ၀င်နေတယ်လို့ စစ်ဘက်ဆိုင်ရာ ကနေ သတင်းတွေ ထွက်ပေါ်လာပြီးနောက်ပိုင်း လွန်ခဲ့တဲ့ စနေနေ့က စပီး ခုလို လုံခြုံရေး တိုးမြင့် လိုက်တာ ဖြစ်ပါတယ်။" ဟု ပြောသည်။

၁၆ မိုင် အရှည်ရှိ မောင်တော-ဘူးသီးတောင် ကားလမ်းမ တလျှောက်ရှိ ယခင်က ရဲသားများအား လုံခြုံရေးချထားသည့် နေရာများတွင် ယခုအခါ ဘူးသီးတောင် ဗျူဟာတပ်ရင်းမှ တပ်စိပ် (၅)စိပ်ဖြင့် အစားထိုး ချထားပြီး တခြား အရေးကြီးသော အစိုးရ အဆောက်အဦးများတွင်လည်း လုံခြုံရေး တိုးမြင့် ချထားသည်ဟု သိရသည်။

မျက်မြင်ကလည်း ဘူးသီးတောင် အခြေစိုက် (BE) ခေါ် ဗုံးရှာဖွေရေးအဖွဲ့မှ လည်း အစိုးရ ဌာနဆိုင်ရာ ရုံးအဆောက်ဦးများတွင် ဗုံးရှာဖွေရေးများ ပြုလုပ်နေကြောင်း အတည်ပြု ပြောကြားသည်။

ဒေသခံများ၏ အဆိုအရ ထောက်လှမ်းရေးများကိုလည်း နေရာအနှံ့ ဖြန့်ကျက်ချထားပြီး ရဲတပ်ဖွဲ့မှ လည်း ဒေသတွင်း ကျေးရွာများတွင် ညအချိန် ဧည့်စာရင်း စစ်မှုများကို တိုးမြှင့် ပြုလုပ်နေကြောင်း စုံစမ်း သိရှိရသည်။

နအဖခေါင်းဆောင် ဗိုလ်ချုပ်မှူးကြီး သန်းရွှေက အလုပ်သမားနေ့ မိန့်ခွန်းတွင် ပြည်တွင်းပြည်ပမှ အဖျက်သမားများသည် လာမည့် ရွှေးကောက်ပွဲ လမ်းလျှော် ပျက်ပြားသွားအောင် ဖောက်ခွဲ ဖျက်ဆီးမှုများ ပြုလုပ်ရန် ကြံရွယ်နေသည်ဟု ပြောကြားခဲ့သည်။

မြန်မာ နှစ်သစ်ကူး သင်္ကြန်ပွဲတော် အကြတ်နေ့ ဧပြီလ ၁၅ ရက်နေ့တွင် ရန်ကုန် X2O မဏ္ဍပ်၌ ဗုံးပေါက်ကွဲခဲ့သဖြင့် လူ ၁၀ ဦးသေဆုံးခဲ့ပြီး လူပေါင်း ၁၇၀ ဒဏ်ရာ ရရှိခဲ့သည်။ ၄င်းနောက်ပိုင်းတွင် အစိုးရ ရေကာတာ စီမံကိန်းများတွင်လည်း ဗုံးများ ဆက်တိုက် ပေါက်ကွဲခဲ့သည်။

အဆိုပါ ဗုံးများ အပါအ၀င် မြန်မာနိုင်ငံ၌ ပေါက်ကွဲခဲ့သော ဗုံးများ၏ လက်သည် တရားခံ အဖြစ် မြန်မာ နအဖစစ်အစိုးရသည် တိုင်ရင်းသား လက်နက်ကိုင် တော်လှန်ရေး တပ်ဖွဲ့များ နှင့် ပြည်ပ အခြေစိုက် ဒီမိုကရေစီ အတိုက်အခံ အင်အားစုများကို စွပ်စွဲ ပြောဆိုလေ့ရှိသည်။

မြန်မာအနောက်ဘက်ရှိ ဘင်္ဂလားဒေ့ရ်ှနယ်စပ်တွင် ယခင်က ရခိုင် လက်နက်ကိုင်တပ်ဖွဲ့များ အင်အား အများအပြားဖြင့် တပ်စွဲ အခြေစိုက်လျက် ရှိနေခဲ့ကြသော်လည်း ၂၀၀၁-ခုနောက်ပိုင်းမှ စ၍ လက်နက်ကိုင်အဖွဲ့များမှာ အင်အားလျော့နည်း သွားခဲ့ကြောင်း နယ်စပ် သတင်း ရပ်ကွက်များ အရ သိရသည်။
Copy from http://www.narinjara.com/

Sunday 2 May 2010

ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီ ဖွဲ့စည်းပုံ

ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီ ဖွဲ့စည်းပုံ



ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီ တံဆိပ်/ အလံ/ ဆောင်ပုဒ်

ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီ ၏ တံဆိပ်




ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီ ၏ တံဆိပ်သည် အောက်ပါအတိုင်းဖြစ်သည်-

- အစိမ်းခံစတုခံ (အလျား ၂လက်မ၊ အနံ ၃လက်မ) တွင် အနီခံဒိုင်းပါရှိပြီး ဒိုင်း၏ ဘေးပတ်လည်၌ ရွှေဝါရောင် သပြေရွက်များ ပါရှိသည်။

- ဒိုင်းအတွင်း၌ ခြင်္သေ့ထိုင်နေပုံကို မြန်မာ့ရိုးရာကောက်ကြောင်းဖြင့် ရေးထိုးထားပါသည်။

- ဒိုင်းပုံ၏ ထိပ်တည့်တည့်တွင် အဖြူရောင် ကြယ်တစ်လုံးပါရှိသည်။

- ဒိုင်းပုံ၏အောက်ဘက် အစိမ်းရောင်ထဲတွင် အသင်း၏ ဆောင်ပုဒ်ဖြစ်သော (စိတ်ဓာတ်၊ စည်းကမ်း၊ ကြံ့ခိုင်၊ စည်းလုံး) ကို အဖြူရောင်ဖြင့် ရေးသားထားပါသည်။


ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီ၏ အလံ



ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီ ၏ အလံသည် အောက်ပါအတိုင်းဖြစ်သည်-

- အလံ၏ အရွယ်အစားမှာ အလျား ၁၀ပေ အနံ ၆ပေရှိသော အစိမ်းရောင်တွင် လက်ဝဲဘက် အပေါ်ထောင့်၌ အနီရောင် အခန်းရှိသည်။ ထိုအခန်း၏ အရွယ်မှာ အလျား ၄ပေ၊ အနံ ၃ပေဖြစ်သည်။


- ထိုအနီရောင်အခန်း၏ အလယ်တည့်တည့်တွင် အမြင့် ၁ပေ၊ ၈လက်မရှိသော ငါးထောင့်ကြယ်ဖြူတစ်လုံးရှိသည်။
အစိမ်းရောင်၏ သဘောမှာ အေးချမ်းသာယာခြင်းဖြစ်သည်။


- အနီရောင်၏ သဘောမှာ ရဲစွမ်းသတ္တိ ရှိခြင်းဖြစ်သည်။


- ကြယ်ဖြူတစ်လုံး၏ သဘောမှာ တစ်လုံးတစ်စည်းတည်းရှိသော ပြည်ထောင်စုနိုင်ငံတော်ဖြစ်ခြင်း၊ ကြယ်တို့၏ ဂုဏ်ထူးဝိသေသဖြစ်သော ကိုယ်ပိုင်အလင်းရှိခြင်း၊ မိမိခရီးလမ်းကို ဖြောင့်တန်းစွာ သွားလေ့ရှိခြင်းတို့ ဖြစ်ပါသည်။

ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီ ၏ဆောင်ပုဒ်

ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီ ၏ ဆောင်ပုဒ်သည် အောက်ပါအတိုင်းဖြစ်သည်-

စိတ်ဓာတ်၊ စည်းကမ်း၊ ကြံ့ခိုင်၊ စည်းလုံး

[ ဟံသာဝတီ သတင်းဌာန အနေဖြင့် ဤ သတင်း ကို ထောက်ခံခြင်း ၊ မထောက်ခံခြင်း ကို ကိုယ်စားမပြုဘဲ အပေါင်းလက္ခ္ခဏာ ဖြစ်စေ၊ အနုတ် လက္ခဏာ ဖြစ်စေ ထူးခြားသော အသွင် တစ်ခု ဆောင်နေပါက စာဖတ် ပရိတ် သတ်များ သတိ ပြုမိ စေလို ၍ ဖော်ပြ ပေးခြင်းသာ ဖြစ်ပါသည်။ ]

၁ . ၅ . ၂၀၁၀

Copy from http://www.hanthawaddy.org/